शहापूर-कल्याण-भिवंडी में भारी बारिश से खेत जलमग्न, किसान चिंतित

शहापूर, कल्याण व भिवंडी भागात वादळी वाऱ्यासह जोरदार पावसाची हजेरी.. जनजीवन विस्कळित... शेतात कापून ठेवलेल्या भात पिकाच नुकसान होण्याची भीती... संध्याकाळी सहा वाजल्यापासून परतीच्या पावसाने शहापूर, कल्याण व भिवंडीतील ग्रामीण भागाला अक्षरशः झोडपून काढले आहे. अनेक भागात जोरदार वादळी वारा व विजांच्या कडकडाटात पावसाने जोरदार हजेरी लावली. परतीच्या पावसाचा शेती पिकांना फटका बसण्याची दाट शक्यता व्यक्त केली जात आहे. शेतीत कापूस ठेवलेले भात पिक वाया जाण्याची भीती शेतकरी वर्गातून व्यक्त केली जात आहे. संध्याकाळच्या सुमारास जोरदार विजांच्या गडगडाट व वादळी वाऱ्यांसह परतीच्या पावसाने जोरदार हजेरी लावली. दिवसभर मोठ्या प्रमाणात उकाडा जाणवत होता. संध्याकाळी आलेल्या पावसाने काही प्रमाणात वातावरणात गारवा निर्माण झाला असला तरी शेती पिकं मात्र पाण्याखाली गेली आहेत. अजून ही पावसाची रिपरिप व विजांचा कडकडाट सुरूच आहे.