कल्याण–शील रोड पर ट्रैफिक जाम से नागरिकों में भारी नाराज़गी, विरोध तेज

कल्याण–शील रस्त्यावर दररोज होणारी वाहतूक कोंडी नागरिकांच्या जिव्हारी लागली आहे. डोंबिवली वरून शील रोड जाण्यासाठी लागणारे 5 मिनिटांचे अंतर दोन ते तीन तास थांबावं लागतंय. या विलंबामुळे चाकरमानी, विद्यार्थी आणि रुग्णवाहिकांनाही प्रचंड हाल सहन करावे लागत आहेत. रस्त्यावरील सिग्नल व्यवस्थापन आणि वाहतूक नियोजनाच्या अभावामुळे रस्ता सतत ठप्प होतोय. सिग्नल न चालणे, अर्धवट सुरू असलेले रस्त्याचे काम, आणि बेकायदेशीर पार्किंग — या तिन्हींचा परिणाम नागरिकांवर होत आहे. अनेक वेळा तक्रारी करूनही प्रशासनाकडून कोणतीही ठोस कारवाई होत नसल्याने आज नागरिकांनी रस्त्यावर उतरून बाईक रॅली काढली या वेळी या मार्गावर नागरिकांनी घोषणाबाजी करत निषेध नोंदवला. आमच्या सहनशीलतेचा अंत झाला! रुग्णवाहिका तासन्‌तास अडकतात, मुलं शाळेला उशीर करतात, आणि आम्ही रोज कामावर उशीर पोहोचतो. वाहतूक पोलिसांची संख्या वाढवा, सिग्नल व्यवस्थित सुरू करा, अन्यथा पुढचं आंदोलन अधिक मोठं असेल! असे सांगत या आंदोलनकर्त्यांनी प्रशासनावर तीव्र नाराजी व्यक्त केली.