डोंबिवली में वडापाव चटनी में कीड़े; नगर निगम ने दुकान बंद किया

डोंबिवली पश्चिम येथील गजानन वडापाव’ या खाद्यपदार्थ विक्रेत्याच्या चटणीत अळ्या आढळल्याने परिसरात एकच खळबळ उडाली आहे. स्थानिक भाजी विक्रेत्या महिलांनी खाण्यासाठी वडापाव घेतला असता, त्यामधील चटणीत अळ्या असल्याचे त्यांच्या लक्षात आले. त्यांनी तत्काळ या प्रकाराची माहिती दिली. या घटनेच्या वेळी उपस्थित असलेल्या समाजसेविका काशीबाई जाधव यांनी त्वरित ही बाब महापालिकेच्या ‘ह’ प्रभाग अधिकारी राजेश सावंत यांच्या निदर्शनास आणून दिली. राजेश सावंत यांनी तातडीने वडापावच्या दुकानात पाहणी करून, आरोग्य विभागाला सूचित करत संबंधित दुकान त्वरित बंद करण्याचे आदेश दिले. महापालिकेच्या या तात्काळ कारवाईचे स्थानिक नागरिकांनी स्वागत केले असून, अशा अस्वच्छ खाद्य विक्रेत्यांवर नियमित तपासणी करून कठोर कारवाई करावी, अशी मागणी केली आहे。