डोंबिवली में घरेलू विवाद के कारण युवक ने आत्महत्या का प्रयास, अस्पताल में हंगामा

डोंबिवली पूर्वेतील शेलार नाका परिसरात किरकोळ घरगुती वादातून हुशेन पावटे या पंचवीस वर्षीय तरुणाने गळफास घेऊन आत्महत्येचा प्रयत्न केला. जखमी अवस्थेत त्याला त्याच्या मित्राने तत्काळ कल्याण डोंबिवली महानगरपालिकेच्या शास्त्रीनगर रुग्णालयात दाखल केले. डॉक्टरांनी त्याची अवस्था गंभीर असल्याचे सांगत त्याला कळवा रुग्णालयात हलवण्याचे सांगितले ॲम्बुलन्स बोलवण्यात आली, मात्र रुग्णासोबत तीन महिला आणि एक पुरुष नातेवाईक बसले असताना, रुग्णवाहिकेत असलेल्या महिला डॉक्टरने “मला माझा स्टाफ सोबत हवा आहे” असं सांगत ॲम्बुलन्समध्ये बसण्यास नकार दिला. या दरम्यान तब्बल दोन तास गोंधळ चालू राहिला. अर्धा तास रुग्णाला ॲम्बुलन्समध्येच ठेवण्यात आलं. नातेवाईक रुग्णाला त्वरित हलवण्याची मागणी करत होते, पण डॉक्टर प्रशासनाकडून प्रतिसाद मिळाला नाही. शेवटी दुसरे डॉक्टर देऊन रुग्णाला तीन तासांनी कळवा रुग्णालयात हलवण्यात आलं. नातेवाईकांचा आरोप आहे की या विलंबामुळे रुग्णाची तब्येत आणखी बिघडली.दरम्यान, शास्त्रीनगर रुग्णालय प्रशासनानेही भूमिका मांडली आहे — ते म्हणतात, “नातेवाईकांनी अचानक रुग्णालयात गोंधळ घातला, शिवीगाळ केली, धक्काबुक्की केली. घटनेचा सीसीटीव्ही पाहून कायदेशीर कारवाई केली जाईल.” मात्र एकतर उपचार नाही आणि त्यात डॉक्टरांची मनमानी सुरू असल्याने या डॉक्टरांवरती कारवाई करणार कोण असा संतप्त सवाल आता सर्वसामान्य नागरिकांना उपस्थित केला जात आहे