34 दिन बाद मधुर म्हात्रे फिर शिंदे के दौरे में, ठाकरे गट में फिर से प्रवेश

ठाकरे गटाचे बेपत्ता नगरसेवक मधुर म्हात्रे अचानक खासदार श्रीकांत शिंदे यांच्या पाहणी दौऱ्यात. ठाकरे पक्षाचे नगरसेवक शिंदेंच्या दौऱ्यात. कल्याण-डोंबिवली महानगरपालिकेच्या निवडणुकीत ठाकरे गटाचे 11 नगरसेवक निवडून आले होते. त्यापैकी मधुर म्हात्रे, कीर्ती ढोणे, राहुल कोट आणि स्वप्नाली केणे हे चार नगरसेवक अचानक बेपत्ता झाले होते. या पार्श्वभूमीवर ठाकरे गटाने सात नगरसेवकांची नोंद करून स्वतंत्र गट स्थापन केला. तसेच बेपत्ता चार नगरसेवकांच्या घरी ‘कारणे द्या’ नोटीस लावून त्यांच्या नगरसेवक पद रद्द करण्याचा इशाराही देण्यात आला होता. यानंतर या बेपत्ता नगरसेविकांपैकी कीर्ती ढोणे यांनी देवदर्शनासाठी गेल्याचे सांगत पुन्हा ठाकरे गटात प्रवेश करत गटात सहभागी झाले . मात्र उर्वरित तीन नगरसेवकांनी कोकण भवन येथे स्वतंत्र नगरसेवक म्हणून नोंदणी केली. ते अद्याप कोणत्याही गटात औपचारिक सहभागी नसल्याने राजकीय समीकरणांबाबत चर्चा सुरू आहे. विशेष म्हणजे, ठाकरे गटातून निवडून आल्यानंतर सर्वप्रथम मधुर म्हात्रे बेपत्ता झाले होते. निवडून आल्यानंतर खासदार श्रीकांत शिंदे यांच्या भेटीला गेल्याचा त्यांचा फोटोही व्हायरल झाला होता. त्यानंतर त्यांनी ठाकरे गटाशी संपर्क साधला नसल्याने चर्चांना अधिक उधाण आले होते. आज तब्बल 34 दिवसांनंतर ते पुन्हा श्रीकांत शिंदे यांच्या विकास कामांच्या पाहणी दौऱ्यात दिसून आले. यावेळी प्रतिक्रिया देताना मधुर म्हात्रे म्हणाले, “मी या ठिकाणचा नगरसेवक आहे, त्यामुळे दौऱ्यानिमित्त उपस्थित राहिलो. काही दिवसांपासून जी चर्चा सुरू आहे त्याबाबत सांगायचं तर मी विपासनासाठी बाहेर गेलो होतो. नगरसेवक झाल्यानंतर देवाकडे जे साकडं घातलं होतं ते पूर्ण करण्यासाठी गेलो होतो. आता परतलो आहे.” तसेच त्यांनी पुढे सांगितले, “आमच्या पक्षश्रेष्ठींशी चर्चा सुरू आहे. जी नोटीस बजावली आहे त्याबाबत आम्ही योग्य उत्तर देत आहोत. आम्ही तीन नगरसेवक आहोत, वरिष्ठ पातळीवर बोलणं सुरू आहे. पुढील भूमिका लवकरच स्पष्ट करू.” महत्त्वाचं म्हणजे, “हा महानगरपालिकेचा अधिकृत कार्यक्रम आहे, कुठल्याही पक्षाचा कार्यक्रम नाही,” असे स्पष्ट करत त्यांनी उपस्थितीचे स्पष्टीकरण दिले. दरम्यान, मधुर म्हात्रे यांच्या या पुनरागमनाने कल्याण-डोंबिवलीच्या राजकारणात नवी चर्चा सुरू झाली असून पुढील राजकीय भूमिका काय असणार याकडे सर्वांचे लक्ष लागले आहे. बाइट... मधुर म्हात्रे नगरसेवक