सातारा के रामेश्वर मंदिर त्रिपुरारी पौर्णिमे पर लाखों दीपों से जगमगा उठा

सातारा- साताऱ्यातील क्षेत्र माहुली येथील प्रसिद्ध असे श्री रामेश्वर मंदिर आज त्रिपुरारी पौर्णिमेनिमित्त अडीच हजार दिव्यांनी उजळले. हे मंदिर क्षेत्रमाहूलीत 353 वर्षा पूर्वी बांधण्यात आले असून कृष्णा-वेण्णा नदीच्या संगमावरील या मंदिरात श्री रामेश्वर जीर्णोद्धार मंडळ यांच्या तर्फे मागील सात वर्षांपासून दरवर्षी त्रिपुरारी पौर्णिमेनिमित्त दीपोत्सव साजरा करण्यात येतो. यावर्षी देखील 2500 दिव्यांचा भव्य दीपोत्सव साजरा करण्यात आला यावेळी मंदिराचा परिसर दिव्यांनी उजळुन निघाला विशेष म्हणजे या परिसरात प्रथमच सामाजिक कार्यकर्ते कामेश कांबळे मित्र समूहाच्या वतीने करण्यात आलेली आकर्षक अशी आकाशातील फटाक्यांची आतिषबाजी ही डोळ्याचे पारणे फेडणारी ठरली. याबरोबरच या श्री रामेश्वर मंदिरावर आकर्षक असा लेझर शो हा देखील लक्षवेधक ठरला यावेळी श्री रामेश्वर मंदिरातही आकर्षक सजावट करण्यात आली होती हा नयनरम्य नजारा पाहण्यासाठी सातारा शहरातून कृष्णा आणि वेण्णा नदीच्या संगमावर मोठ्या संख्येने सातारकर उपस्थित होते...