उद्धव ठाकरे के पदाधिकाऱ्यांना सक्त सूचना – शिंदे गटाशी कुठेही युती नको! धाराशिव – निवडणुकीत किंवा निकालानंतर कुठेही शिंदे शिवसेनेशी युती होणार नाहीयाची काटेकोर खबरदारी घेावी, अशा सक्त सूचना पक्षप्रमुख उद्धव ठाकरे यांनी पदाधिकाऱ्यांना दिल्या आहेत. उद्धव ठाकरे यांचा आजचा दिवस शेतकऱ्यांशी संवाद साधण्यात गेला, तर रात्री उशिरा धाराशिवच्या पुष्पक हॉटेलमध्ये राजकीय खलबत रंगली. नगरपरिषद निवडणुकीच्या पार्श्वभूमीवर धाराशिव, बीड आणि लातूर जिल्ह्यातील पदाधिकाऱ्यांसोबत निवडणूक रणनीतीवर चर्चा करण्यात आली. धाराशिवमध्ये महाविकास आघाडी म्हणून लढण्याची तयारी असली, तरी जास्तीत जास्त नगराध्यक्ष पदे आपल्या पक्षाकडे ठेवण्याचा पक्षाचा कल असल्याची माहिती मिळते. बीड जिल्ह्यातील कार्यकर्त्यांनी उद्धव ठाकरेंना महाविकास आघाडीच्या सूत्राखालीच निवडणूक लढविण्याची विनंती केली. तर लातूरमधील कार्यकर्त्यांना चार्ज करण्यासाठी ठाकरेंनी भाजपचा दाखला दिला — “लातूर काँग्रेसचा गड असूनही भाजप जिंकली, आपणही ताकदीने आणि विश्वासाने लढा,” असा संदेश ठाकरेंनी दिला. पक्षवाढीच्या दृष्टीने उद्धव ठाकरेंनी युवा कार्ड खेळण्याचे संकेत दिले असून, आगामी निवडणुकीत तरुण चेहऱ्यांना अधिकाधिक संधी देण्याच्या सूचना त्यांनी पदाधिकाऱ्यांना दिल्या आहेत.