महाबळेश्वर में अचानक बारिश से पर्यटन प्रभावित, राहगीरों को परेशानी

सातारा - मार्च महिन्याच्या शेवटच्या आठवड्यात वाढलेल्या उकाड्यानंतर पर्यटननगरी महाबळेश्वरमध्ये सायंकाळी अचानक अवकाळी पावसाने जोरदार हजेरी लावली. सायंकाळी सातच्या सुमारास पडलेल्या मुसळधार पावसामुळे अवघे महाबळेश्वर थंडगार झाले, मात्र या अचानक आलेल्या पावसामुळे पर्यटकांची आणि नागरिकांची मोठी तारांबळ उडाली. उन्हाळी हंगामाच्या सुरुवातीला पर्यटनासाठी मोठ्या संख्येने महाबळेश्वरमध्ये दाखल झालेल्या पर्यटकांना या अवकाळी पावसाचा अनपेक्षित सामना करावा लागला. सायंकाळी सुमारे एक तास कोसळलेल्या मुसळधार पावसामुळे शहरातील जनजीवन काही काळासाठी विस्कळीत झाले. रस्त्यांवर पाणी साचल्याने वाहतुकीवर परिणाम झाला, तर अचानक बदललेल्या वातावरणामुळे परिसरात गारवा पसरला.