रायगढ़ के कोळी आदिवासी जातीय जनगणना जल्द कराने की मांग तेज, सरकार से सवाल

रायगड जिल्ह्यातील कोळी, आदिवासी पुन्हा आक्रमक जातनिहाय जनगणना तातडीने करण्याची मागणी शासन, प्रशासनाच्या भूमिकेवरच शंका जनगणना न झाल्याने समाज शासकीय लाभापासून वंचित. अनुसूचित जमातीच्‍या आरक्षणातील वाटेकरी वाढण्‍याच्‍या भीतीने रायगड जिल्‍हयातील कोळी, आदिवासी समाज आक्रमक झाला असतानाच आता त्यांनी नव्‍या मुद्द्याला हात घातला आहे. गेल्‍या चौदा वर्षात जनगणना न झाल्‍याने कोळी, आदिवासी समाज विविध सोयी सुविधा आणि शासकीय योजनांच्या लाभापासून वंचित राहिला आहे. शासकीय यंत्रणा आणि लोकप्रतिनिधी याकडे दुर्लक्ष करीत असल्‍याची शंका कोळी ,आदिवासी समाजाचे नेते दिलीप भोईर यांनी व्‍यक्‍त केली आहे. अलिबाग आदिवासी आणि कोळी समाजाचा विचार मंथन मेळावा पार पडला. या मेळाव्‍यात प्रामुख्‍याने जनगणनेच्या विषयावर चर्चा झाली. कोळी, आदिवासी समाजाला त्‍याचे मुलभूत हक्‍क मिळायला हवे असतील तर जातनिहाय जनगणना करणे गरजेचे आहे आणि शासनाने याचा गांभीर्याने विचार करावा अशी मागणी दिलीप भोईर यांनी केली आहे.