महाड में शिवसेना-राष्ट्रवादी के कार्यकर्ताओं के बीच भिड़ंत, FIR दर्ज

शिवसेना नेते विकास गोगावले यांच्यासह आठ ते दहा जणांविरोधात गुन्हा दाखल महाड पोलिस ठाण्यात राष्ट्रवादीचे सुशांत जाबरे यांची तक्रार अंगरक्षकाकडील रिव्हॉल्वर खेचून पळवून नेले अशीही तक्रार मतदान केंद्रावर आढावा घेण्यासाठी गेलो असता मारहाण केल्याची, गाड्या फोडल्याची तक्रार मंगळवारी महाड नगर पालिका निवडणुकीदरम्यान राष्ट्रवादी काँग्रेस आणि शिवसेनचे कार्यकर्ते आपसात भिडले होते. महाड नगर पालिका निवडणुकीदरम्यान शिवसेना राष्ट्रवादी काँग्रेस कार्यकर्त्यांमध्ये झालेल्या राड्या प्रकरणी अखेर गुन्हा दाखल झालाय. शिवसेनेचे मंत्री भरत गोगावले यांच्या पुत्र विकास गोगावले यांच्यासह आठ जणांवर हा गुन्हा दाखल करण्यात आलाय. राष्ट्रवादी कार्यकर्ते सुशांत जाबरे यांनी महाड तालुका पोलिस ठाण्यात याबाबत तक्रार दिली आहे. मतदान केंद्रावर आढावा घेण्यासाठी गेलो असता शिवसेनेच्या कार्यकर्त्यांनी गाड्या फोडल्या, सोबतच्या व्यक्तींना मारहाण केली, अंगरक्षकाकडील रिव्हॉल्वर हिसकावुन घेतली आणि सोन्याची चेन, मोबाईल लंपास केल्याची तक्रार करण्यात आली आहे. या मारहाणीमध्ये जाबरे यांच्या सोबतच्या पाच जणांना गंभिर दुखापत झाल्याचे देखील तक्रारीत नमुद करण्यात आले आहे. विकास गोगावले, महेश गोगावले, विजय मालूसरे, प्रशांत शेलार, धनंजय मालूसरे, वैभव मालूसरे, सुरज मालूसरे, सिद्धेश शेठ आणि इतर अनोळखी आठ ते दहा जणांविरोधाता हा गुन्हा दाखल करण्यात आला आहे. रात्री उशिरा हा गुन्हा महाड तालुका पोलिस ठाण्यात दाखल करून तपासा करिता महाड शहर पोलिसांकडे वर्ग करण्यात आला आहे. या प्रकरणी कोणासही अद्याप अटक करण्यात आलेली नाही.