मावल पंचायत समिति में महिलाओं को आरक्षण, सत्ता-समीकरण में नई संभावनाएं

मावळ पंचायत समितीवर महिलाराज... बहुतांश सदस्यपद सर्वसाधारण महिलांसाठी राखीव स्थानिक स्वराज्य संस्थांच्या निवडणूकांचे बिगुल वाजले आहे. सध्या सर्वच स्थानिक स्वराज्य संस्थांच्या आरक्षण जाहीर होत आहे. आज मावळ पंचायत समितीचेही आरक्षण जाहीर झाले आहे. सभापती (अध्यक्ष) पद नागरिकांचा मागास प्रवर्ग सर्वसाधारणसाठी राखीव ठेवण्यात आले असून गणनिहाय आरक्षण सोडत ही पार पडली. यामध्ये अनेक गणांमध्ये “कही खुशी, कही गम” अशी स्थिती पाहायला मिळाली. वडगाव मावळ येथील भेगडे लॉन्स येथे प्रांताधिकारी सुरेंद्रकुमार नवले आणि तहसीलदार विक्रम देशमुख यांच्या प्रमुख उपस्थितीत गणनिहाय आरक्षण सोडत पार पडली. अतिशय नियोजनबद्ध आणि शांततामय वातावरणात ही सोडत जाहीर झाली. दरम्यान, या आरक्षण सोडतीत महिलांना प्राधान्य मिळाले असून तालुक्यातील राजकीय समीकरणांनी आता वेग घेतला आहे. मावळ मधील गणनिहाय पंचायत समिती आरक्षण - १) नाणे - अनुसूचित जमाती स्त्री २) वराळे - सर्वसाधारण ३) इंदोरी - सर्वसाधारण ४) कार्ला - सर्वसाधारण स्त्री ५) कुसगांव बु.- सर्वसाधारण ६) काले - सर्वसाधारण स्त्री ७) सोमाटणे - नागरिकांचा मागास प्रवर्ग ८) चांदखेड - नागरिकांचा मागास प्रवर्ग स्त्री ९) खडकाळा - अनुसूचित जाती १०) टाकवे बु. - सर्वसाधारण स्त्री