ओतूर के परीक्षा केंद्र में नाबालिग ने कक्षा में घुसकर कोयता से हमला, घायल छात्र

ओतूर परीक्षा केंद्रात वर्गात घुसून कोयत्याने हल्ला. अल्पवयीन परीक्षार्थी जखमी मानाच्या वार हातावर झेलल्याने मोठी दुर्घटना टळली. जुन्या वादातून प्रकार पाच जण ओतूर पोलिसांच्या ताब्यात. पुणे जिल्ह्याच्या ओतूर येथे श्री संत गाडगे महाराज विद्यालयातील एस.एस.सी. परीक्षा केंद्रात धक्कादायक घटना घडलीय.यात एका अल्पवयीन कॉलेज तरूणाने वर्गात घुसून परीक्षेला बसलेल्या दहावीच्या अल्पवयीन विद्यार्थ्यावर कोयत्याने हल्ला केला. या हल्ल्यात विद्यार्थी जखमी झाला असून मानेवर केलेला वार हातावर झेलल्यामुळे बालंबाल बचावला; मात्र या झटापटीत त्याच्या हाताला दुखापत झालीय, संबंधित दोघांमध्ये यापूर्वीपासून वाद होता. त्याच जुन्या वादातून ही घटना घडल्याची माहिती समोर आली आहे. परीक्षा सुरू असताना वर्गात घुसून हल्ला झाल्याने परीक्षा केंद्र परिसरात तणावाचे वातावरण निर्माण झाले. घटनेची माहिती मिळताच ओतूर पोलिसांनी तातडीने घटनास्थळी धाव घेत परिस्थिती नियंत्रणात आणली. पोलिसांनी कोयताधारी अल्पवयीन आरोपीसह त्याच्या सोबत असलेल्या आणखी चार विद्यार्थ्यांना ताब्यात घेतले आहे. हल्ल्यासाठी वापरण्यात आलेला कोयता जप्त केला असून पुढील चौकशी सुरू आहे.