कोरेगांव भीमा जयस्तंभ सुरक्षा तैयारियों की उच्चस्तरीय समीक्षा, ADGP ने निरीक्षण किया

शिरूर/पुणे १ जानेवारी अनुषंगाने जयस्तंभ परिसराचा आढावा,अपर पोलीस महासंचालक निखिल गुप्ता यांची भेट ANC… १ जानेवारी रोजी होणाऱ्या कोरेगाव भीमा जयस्तंभ अभिवादन कार्यक्रमाच्या पार्श्वभूमीवर राज्याचे कायदा व सुव्यवस्था अपर पोलीस महासंचालक निखिल गुप्ता यांच्या आज जयस्तंभ परिसरास भेट देत प्रत्यक्ष पाहणी केली. यावेळी त्यांनी कार्यक्रमाच्या सुरक्षाव्यवस्था, नियोजन व प्रशासनाकडून करण्यात आलेल्या तयारीचा सविस्तर आढावा घेतला. या पाहणीदरम्यान पुणे पोलीस आयुक्त अमितेश गुप्ता, पुणे ग्रामीण पोलीस अधीक्षक संदीप सिंह गिल यांच्यासह महसूल विभागाचे अधिकारी, पोलीस प्रशासनातील वरिष्ठ व कनिष्ठ अधिकारी उपस्थित होते. जयस्तंभ परिसर, येण्या-जाण्याचे मार्ग, अनुयायांसाठी करण्यात आलेल्या सोयी-सुविधा तसेच संभाव्य कायदा व सुव्यवस्थेच्या अनुषंगाने उपाययोजनांबाबत अधिकाऱ्यांनी सविस्तर माहिती दिली. राज्याच्या कानाकोपऱ्यातून १ जानेवारी रोजी मोठ्या प्रमाणात नागरिक येत असल्याने कोणताही अनुचित प्रकार घडू नये, शांतता व सुव्यवस्था अबाधित राहावी यासाठी पोलीस प्रशासन सज्ज असल्याचे यावेळी स्पष्ट करण्यात आले.