जातीय वर्चस्व की हत्या: अंजलीताई आंबेडकर ने न्याय की मांग की

जात वर्चस्ववादातून सक्षम ताटे या युवकाची हत्या करण्यात आल्याची प्रतिक्रिया प्रकाश आंबेडकर यांच्या पत्नी वंचित बहुजन आघाडीच्या नेत्या अंजलीताई आंबेडकर यांनी दिली. अंजलीताई आंबेडकर यांनी आज नांदेडमध्ये पीडित ताटे कुटुंबीयांची भेट घेतली. सक्षम आणि आंचलची मैत्री तोडण्याचा प्रयत्न मामिलवार कुटुंब आधीपासून करत होते. आंचल चे वय अठरा वर्षांपेक्षा कमी असताना तिला सक्षम विरोधात तक्रार देण्यास बळजबरी करून पोकसो चा गुन्हा दाखल करायला लावण्यात आला होता. असे प्रकरण घडल्यानंतर युवकाची पार्श्वभूमी गुन्हेगारी प्रवृत्तीची होती याचा बाऊ केला जातो आणि घडलेल्या गुन्ह्याचे क्षुल्लकीकरण करण्याचा प्रयत्न केला जातो ते होऊ नये असेही अंजलीताई म्हणाल्या. गुन्ह्यातील एक आरोपी अल्पवयीन आहे त्यामुळे तो लवकर जामीनावर बाहेर येऊ शकतो. त्यामुळे आंचल आणि ताटे कुटुंबाला पोलीस संरक्षण देण्याची मागणी ही अंजलीताई यांनी केली. आंचलच्या शिक्षणाचा सर्व खर्च वंचित बहुजन आघाडी उचलेल असेही त्यांनी जाहीर केले. आरोपीना फाशीची शिक्षा देण्याची आंचल ची मागणी योग्य असल्याच्या त्या म्हणाल्या. आंचल ने जे धाडस दाखवल ते अश्या प्रकारच्या गुन्ह्यांमध्ये इतर मुलींनी दाखवले असते अंतरजातीय बळी पडलेल्या अनेक मुलांना न्याय मिळाला असता असे अंजलीताई म्हणाल्या.