ED के इशारे पर महायुती में घमासान, जयसिंगपूर नगरपालिका चुनाव गर्म

(Kop Jayshingpur PKG मध्ये चंद्रकांत पाटील आणि राजेंद्र पाटील यड्रावकर याचा बाईट आहे तर, 2C ला राजवर्धन नाईक निंबाळकर, जिल्हाध्यक्ष, भाजप याचा बाईट आहे) राज्यात नगरपालिका आणि नगरपंचायत निवडणुकीच्या निमित्ताने महायुतीच्या नेत्यांमध्येच जोरदार आरोप–प्रत्यारोप होत असल्याचे चित्र आहे. या राजकीय कलगीतुरामध्ये ईडीचा मुद्दाही जोरदार चर्चेत आलाय. विशेष म्हणजे, ईडीवरून महायुतीतील नेतेच आता एकमेकांवर जोरदार निशाणा साधताना दिसत आहेत. कोल्हापूर जिल्ह्यातील जयसिंगपूर नगरपरिषद निवडणुकीच्या पार्श्वभूमीवर हा संघर्ष चांगलाच टोकाला गेलाय. जयसिंगपूर नगरपरिषद निवडणुकीत यड्रावकरांचे बंधू संजय पाटील हे राजर्षी शाहू आघाडीच्या माध्यमातून नगराध्यक्षपदाची निवडणुक लढवत आहेत. तर दुसऱ्या बाजूला भाजप, स्वाभिमानी शेतकरी संघटना, ताराराणी आघाडी, राष्ट्रवादी आणि काँग्रेसचे स्थानिक नेते मिळून जयसिंगपूर विकास आघाडी रचून निवडणूक रिंगणात उतरलेत. या प्रचारा दरम्यान जिल्हाध्यक्ष राजवर्धन निंबाळकर यांनी यड्रावकरांवर थेट ईडीचा इशारा करून खळबळ माजवली. या वक्तव्याला समर्थन देताना उच्च शिक्षण मंत्री चंद्रकांत पाटील यांनीही बेहिशोबी संपत्ती नसेल तर घाबरण्यास काहीच कारण नाही, असा टोला लगावत शिंदे गटाच्या आमदारांना डिवचले. चंद्रकांत पाटील, उच्च शिक्षण मंत्री यांच्या या वक्तव्याचा जोरदार समाचार घेत आमदार राजेंद्र पाटील यड्रावकर यांनी पलटवार केला “आम्ही ईडीच्या चौकशीला घाबरतो, हे चंद्रकांत दादांना कोणी सांगितलं? ईडी चौकशीची मागणी कुणीही करू शकतं,” असे म्हणत यड्रावकरांनी भाजपवर थेट हल्ला चढवलाय. जयसिंगपूर नगरपालिका निवडणुकीच्या पार्श्वभूमीवर भाजपाचे जिल्हाध्यक्ष आणि उच्च शिक्षण मंत्री यांनी यड्रावकरांना डिवचले, तर शिंदे गटाचे अपक्ष आमदार यड्रावकरांनीही ‘कर नाही त्याला डर कशाची’ अशी भूमिका घेत भाजपवर जोरदार पलटवार केला. त्यामुळे महायुतीतील या घरगुती संघर्षामुळे जयसिंगपूरची निवडणूक अधिकच तापली असून, महायुतीच्या नेत्यांमध्येच रस्सीखेच चांगलीच वाढली आहे. प्रताप नाईक झी 24 तास कोल्हापूर.