नांदेड में ऑनर किलिंग: प्रेम-अस्वीकृति पर पिता और भाइयों ने युवक की हत्या

नांदेडमध्ये ऑनर किलिंगची थरकाप उडवणारी घटना घडली. प्रेमसंबंधाला विरोध असल्याने वडील आणि दोन भावनी मिळून एका तरुणाची हत्या केली. या घटनेनंतर प्रेयसीने प्रियकराचे घर गाठत त्याच्या मृतादेहाशी लग्न केले आणि त्याच्या घरीच राहण्याचा निर्णय घेतला. नांदेड शहरात ऑनर किलिंगची थरकाप उडवणारी घटना घडली. 25 वर्षीय सक्षम ताटे आणि हिमेश मामीडवार दोघेही चांगले मित्र. दोघेही गुन्हेगारी पार्श्वभूमीचे. हिमेशची मामीडवारची 21 वर्षीय बहीण आंचल सोबत सक्षमचे प्रेमसंबंध जुळले. पण दोघेही विजातीय. या प्रेमसंबंधाची माहिती हिमेश आणि घरच्यांना कळाली. त्यांच्या प्रेमसंबंधाला आंचलच्या कुटुंबाचा विरोध होता. जुना गंज भागात सक्षम बसलेला असताना आंचलचे वडिल गणेश मामीडवार, भाऊ हिमेश आणि साहिल आणि सोबत अन्य दोघांनी सक्षमवर गोळ्या झाडल्या. त्यानंतर त्याच्या डोक्यात फरशी घालून त्याचा खूण केला. सक्षमच्या खुणाची माहिती मिळाल्यानंतर आंचल सक्षमच्या घरी पोहोचली. पोस्टमार्टम नंतर सक्षमचा मृतदेह घरी आणण्यात आला. सक्षमचा मृतदेह पाहून तिने टाहो फोडला. सक्षमच्या मृतदेहाला हळद कुंकू लावून आंचल सोबत लग्न लावून देण्यात आले. सक्षम नसला तरी त्याची पत्नी बनून त्याच्याच घरी राहण्याचा निर्णय आंचल ने बोलून दाखवला. माझ्या घराचे जिंकूनही हारले आणि तो हारूनही जिंकला असे आंचल म्हणाली. हत्या करणाऱ्या वडील आणि भावाला शिक्षा व्हावी अशी मागणीही तिने केली. एका प्रेमाचा अंत असा झाल्यामुळे त्यामुळे नांदेडमध्ये खळबळ उडालीये.