वडगाव विधानसभा ईवीएम टेस्ट पूर्ण; मतदान तयारी तेज

वडगाव सार्वत्रिक निवडणुकीसाठी ईव्हीएम मशीनचा वापर करण्यात येणार असून, कंट्रोल युनिट आणि बॅलेट युनिटची आवश्यक तयारी पूर्ण झाली आहे. मतदानासाठी लागणारी सर्व यंत्रे तसेच राखीव ईव्हीएमची सिलिंग प्रक्रिया पार पडली. १०% ईव्हीएमवर १००० अभिरूप मतदान करून यंत्रांची कार्यक्षमता तपासण्यात आली. या प्रक्रियेला निवडणूक निरीक्षक सुनील माळी, निवडणूक निर्णय अधिकारी मनिषा तेलभाते, सहायक निवडणूक निर्णय अधिकारी प्रविण निकम आणि निवडणूक प्रतिनिधी उपस्थित होते. मतदान पथकांना ईव्हीएम हाताळणीचे प्रात्यक्षिक देण्यात आले असून, सर्व साहित्य दुपारी १२ वाजेपर्यंत त्यांच्या ताब्यात दिले जाणार आहे. त्यानंतर पोलीस बंदोबस्तासह पथके व साहित्य नियुक्त मतदान केंद्रांवर रवाना होणार आहेत.