सह्याद्री के चांदोली अभयारण्य में चंदा वाघीण का मुक्त संचार, वीडियो वायरल

सह्याद्रीच्या चांदोली अभयारण्यात वनविभागाने तब्बल पंधरा दिवसांपूर्वी ताडोबा-अंधारी व्याघ्र प्रकल्पातून आणलेली ‘चंदा’ ही वाघीण आता मुक्तपणे संपूर्ण परिसरात वावरताना दिसत आहे. पुनर्वसित केलेल्या या वाघिणीने नव्या अधिवासाशी झपाट्याने जुळवून घेतल्याचे चित्र सध्या पाहायला मिळत आहे. गेल्या काही दिवसांत चंदा वाघीण चांदोली अभयारण्याच्या सीमा रेषेबाहेरही फिरताना दिसली आहे. नुकतेच कोल्हापूर जिल्ह्यातील शाहुवाडी तालुक्यातील उदगीर जंगल परिसरात तिने नागरिकांना प्रत्यक्ष दर्शन दिल्याचा व्हिडिओ सोशल मीडियावर मोठ्या प्रमाणात व्हायरल झाला आहे. स्थानिक रहिवाशांनी सुरक्षित अंतरावरून टिपलेली ही दृश्ये पाहून वन्यजीवप्रेमींना आनंद व्यक्त केला आहे. पण चंदा वाघीण गावाच्या वेशीवरून फेरफटका मारत असल्याने ग्रामस्थांनी खबरदारी घ्यावे अस आवाहन वनविभागाने केले आहे.