जालना महापालिका प्रारूप मतदाता सूचियों में गड़बड़, कई नाम दूसरे विभागों में, हजारों मतदाता प्रभावित

जालना : महापालिकेच्या प्रारूप मतदार याद्यांमध्ये गोंधळात गोंधळ,वडील मुलासह, सासू, सुनांची मतदान करण्यासाठी जाताना होणार ताटातूट, 1 हजार 969 आक्षेप आणि हरकती दाखल जालना महापालिका निवडणुकीसाठी प्रसिद्ध झालेल्या प्रारूप मतदार याद्यांमध्ये मोठ्या प्रमाणात गोंधळ उडाला आहे. काही प्रभागांतील हजारो मतदार गायब आहेत, तर काही ठिकाणी दुसऱ्या प्रभागातील नावे घुसवली गेली आहेत. काही प्रभागांत एकाच कुटुंम्बातील व्यक्तींच्या नावांची फोडाफोड होऊन ती नावे दुसऱ्या प्रभागांत गेली आहेत. यामुळे वडील-मुलाची आणि सासू-सुनांची मतदान करायला जाण्यासाठी ताटातूट झाली आहे. आलेल्या आक्षेपांनुसार जवळपास 4 हजार मतदारांच्या नावांचा हा गोंधळ उडाला आहे. राहायला एका प्रभागात असूनही नाव 4 किलोमीटर अंतरावरील प्रभागांत आले आहे. सामाजिक कार्यकत्यांसह जवळपास सर्वच पक्षांच्या पदाधिकाऱ्यांकडून यावर आक्षेप दाखल झाले आहेत. महानगरपालिकेच्या निवडणुकीच्या अनुषंगाने 16 प्रभागांतील प्रारूप मतदार याद्या प्रकाशित करण्यात आल्या आहेत. परंतु, या याद्यांमध्ये एकाच कुटुंबातील मतदारांचीही ताटातूट झाली आहे. दरम्यान, 3 डिसेंबरपर्यंत हरकती, आक्षेप नोंदवण्याची अंतिम मुदत होती. यामुळे आतापर्यंत आक्षेप, हरकती प्राप्त झाल्या आहेत. यात सर्वाधिक प्रमाण हे प्रभाग बदलल्याचे आहेत. काही आक्षेपांमध्ये कुटुंबातील सदस्यांची नावे इतर प्रभागांत गेली आहेत.घरी बसूनच मतदार याद्या केल्याने हा गोंधळ उडाल्याचा आरोप आहे. मतदार याद्यांची सीमांनुसार फोड करणे, प्रभागांच्या सीमा निश्चितीनुसार मतदारांची नावे टाकणे, काढणे हे काम पारदर्शक झाले नाही, अनेक कर्मचाऱ्यांनी घरी बसूनच ही कामे केल्याने गोंधळ उडाला आहे. याबाबत आयुक्तांकडे लेखी तक्रारीही प्राप्त झाल्या आहेत. आज प्रत्यंत 1 हजार 969 हरकती प्राप्त झाले आहेत. 10 डिसेंबर पूर्वी सर्व हरकतीची पडताळणी करून यादी 10 डिसेंबर रोजी प्रसिद्ध होईल.