जालना में अवैध गर्भप्लिंग दवाओं की आपूर्ति: मध्य प्रदेश से सप्लाई, पांच गिरफ्तार

जालना : भोकरदन मधील गर्भलिंगनिदान प्रकरण, गर्भलिंगनिदानासाठी मध्यप्रदेशातून औषधी पुरवठा जालना जिले भोकरदन तालुक्यातील गवळीवाडी नांजा येथे अवैध गर्भलिंगनिदान प्रकरणात पाच आरोपींना जालना स्थानिक गुन्हे शाखेच्या पथकाने अटक केली. बुधवारी त्यांच्या पोलिस कोठडी संपली. न्यायालयात हजर केल्यानंतर सर्वांना न्यायालयीन कोठडीत पाठवण्यात आले. तपासासाठी पोलिस पुन्हा कोठडी घेऊ शकतात, असे सूत्रांनी सांगितले. या प्रकरणात अवैध गर्भलिंगनिदानासाठी लागणारी औषधे मध्य प्रदेशातून येत असल्याचे समोर आल्याचे आह. गुन्ह्यात शेतमालक, डॉक्टर, गोळ्या पुरवणारा, एजंट अशा 5 जणांचा समावेश आहे. आरोपींमध्ये सतीश सोनवणे, केशव गावंडे, बुलडाण्यातील मेडिकलचालक योगेश चांदा, अनंता चोबे, गोठामालक समाधान सोरमारे यांचा समावेश आहे. योगेश चांदा हा अवैध गर्भलिंगनिदानासाठी गोळ्या पुरवत होता. त्याची फोनपे हिस्ट्री पोलिसांनी तपासली. त्याचे धागेदोरे मध्यप्रदेशपर्यंत गेले आहेत.3 वर्षांपूर्वीची लिंक उघड, त्याच गुन्हेगारांची चौकशी अवैध गर्भलिंगनिदान प्रकरणात वापरी जाणारी औषधे मध्यप्रदेशातील काही जिल्ह्यांमधून येत होती. मध्यप्रदेशातील काही मेडिकल व्यावसायिक आणि एजंट यात सक्रिय आहेत. ही लिंक स्थानिक गुन्हे शाखेनेतीन वर्षांपूर्वी उघड केली होती. आता या प्रकरणात त्यांचा सहभाग असल्याची शक्यता आहे. त्यादृष्टीने पोलिसांनी रेकॉर्डवरील गुन्हेगारांची चौकशी सुरु केली आहे.