छत्रपति संभाजीनगर महापालिका को 5.60 करोड़ रुपये का इनाम, जल ही अमृत अभियान को बढ़ावा

छत्रपती संभाजीनगर:महापालिकेला 5 कोटी 60 लाखांचे बक्षीस शहरातील सांडपाण्यावर प्रक्रिया करण्यावर महापालिकेने मागील काही वर्षांपासून विशेष भर द्यायला सुरुवात केलीय. त्यामुळे केंद्र शासनाच्या 'जल ही अमृत' या अभियानाअंतर्गत महापालिकेला प्रोत्साहनपर अनुदान स्वरूपात बक्षीस म्हणून 5.60 कोटी रुपये देण्यात आले. महापालिकेकडून विविध एसटीपी प्लांटवर दररोज 206 एमएलडी पाण्यावर प्रक्रिया केली जाते, हे विशेष.केंद्रीय शहरी कार्य मंत्रालयामार्फत राबविण्यात येणाऱ्या 'जल ही अमृत' या अभियानाअंतर्गत महापालिकेनेही आपल्या कामाचा तपशील दिला होता. तिसऱ्या फेरीच्या परीक्षणात महापालिकेच्या तिन्ही एसटीपी प्लांटला राष्ट्रीय स्तरावरील मूल्यांकनात उत्कृष्ट कामगिरी बजावून प्रोत्साहनपर अनुदान मिळाले. कांचनवाडी येथील 161 एमएलडीच्या एसटीपीसाठी 3 कोटी 50 लाख रुपये, 35 एमएलडीच्या दुसऱ्या एसटीपीला 70 लाख, तर 10 एमएलडी क्षमतेच्या एसटीपीला 1 कोटी 40 लाख रुपयांचे अनुदान देण्यात आले. महापालिकेच्या स्वतंत्र बँक खात्यात ही रक्कम जमा झाल्याची माहिती देण्यात आली आहे.