गडचिरोली में 44 नक्सली स्मारक उध्वस्त, दहशत खत्म

नक्सलवाद्यांच्या दहशतीचे प्रतीक असलेली गडचिरोली जिल्हाभरातील 44 नक्सल शहीद स्मारके गडचिरोली पोलीस दल व सीआरपीएफ कडून एकाच वेळी उध्वस्त अँकर: दुरगम-अतिदुर्गम भाग असलेला गडचिरोली जिल्हा हा नक्सलदृष्ट्या अतिसंवेदनशील आहे. येथील जनतेच्या मनात दहशत निर्माण करण्यासाठी आणि आपले अस्तित्व दाखविण्यासाठी नक्षल्यांकडून अतिदुर्गम भागांमध्ये नक्षल स्मारकांची निर्मिती केली जात होती. मात्र गेल्या काळात गडचिरोली पोलीस दलाकडून राबविल्या जाणा­या प्रभावी नक्षलविरोधी अभियानांमूळे जिल्ह्रातील नक्षल चळवळ जवळजवळ संपूष्टात आली असून, सामान्य नागरीकांच्या मनात नक्सलवाद्यांची असलेली भिती कमी होताना दिसून येत आहे. याच पार्श्वभूमीवर गडचिरोली पोलीस दलाकडून नक्षल्यांच्या दहशतीचे प्रतीक असलेले जिल्हाभरातील एकूण 44 नक्षल स्मारके आज नष्ट करण्यात आली. आज 16 बाँब शोधक पथके, विशेष अभियान पथक, सीआरपीएफ व विविध ठाण्याचे कर्मचारी यांनी विविध जंगल परिसरात शोध अभियान सुरु केले. यादरम्यान एकूण 44 स्मारके आढळून आली. या स्मारकांची व परिसराची बिडीडीएस पथकाने कसून तपासणी केली व त्यानंतर जवानांनी सदर स्मारके उध्वस्त केली. यामध्ये एटापल्ली उपविभागातील 18, हेडरी उपविभागातील 17, भामरागड उपविभागातील 05, जिमलगट्टा उपविभागातील 02, धानोरा उपविभागातील 01 व पेंढरी उपविभागातील 01 अशा एकूण 44 स्मारकांचा समावेश आहे. नक्सल्यांचे आश्रयस्थान समजल्या जाणाऱ्या अतिदुर्गम पेनगुंडा, कवंडे, तुमरकोठी, गर्देवाडा, वांगेतुरी व गट्टा (जां.) इत्यादी गावांतील स्मारके उध्वस्त करून गडचिरोली पोलीस दलाने परिसरातील नागरिकांमध्ये नक्सलवाद्यांची असलेली दहशत संपवलेली आहे.