सुरج चव्हाण ने अजित पवार के राजीनामे के मुद्दे पर रिचार्ज-घोटाले का दावा किया

महाराष्ट्रातली रिचार्ज वाली ताई पुन्हा एकदा ऍक्टिव्ह करण्यात आली असल्याच आरोप राष्ट्रवादीचे प्रवक्ते सुरज चव्हाण यांनी अंजली दमानिया यांच्यावर केला आहे. सामाजिक कार्यकर्त्या अंजली दमानिया यांनी उपमुख्यमंत्री अजित पवार यांच्या राजीनाम्याची मागणी केली होती. त्याला उत्तर देताना सुरज चव्हाण यांनी टीका केली आहे. अजित पवारांच्या राजीनामासाठी त्या डोनाल्ड ट्रम्पला देखील जाऊन भेटतील इतका मोठा त्यांचा रिचार्ज झाला असल्याचा आरोप सुरज चव्हाण यांनी केला आहे. अमित भाईंची भेट झाली नाही तर त्यांनी डोनाल्ड ट्रम्प यांची भेट घ्यावी. आणि त्यांनी अमित भाईांचा देखील राजीनामा मागावा असा टोलाही यावेळी सुरज चव्हाण यांनी अंजली दमानिया यांना लगावला आहे. तर अंजली दमानिया यांचं नाव न घेता यांचा बोलवता धनी वेगळा असून राष्ट्रवादी तसेच अजित पवारांना बदनाम करण्यासाठीच त्यांचा रिचार्ज करण्यात आला असल्याचा आरोप ही चव्हाण यांनी यावेळी केला आहे. त्यांनी विचार केला तर त्यांनी सिद्ध करावे असा आव्हान देत आम्ही देखील लवकरच त्यांचे घोटाळे बाहेर काढू असा इशारा सुरज चव्हाण यांनी दिला आहे.