धुळे जिले को कम निधि मिलने पर मंत्री रावल ने वृद्धि निधि की मांग की

राज्याच्या वित्त विभागाकडून धुळे जिल्ह्याला अपेक्षित न्याय मिळत नसल्याची खंत धुळे जिल्ह्याचे पालकमंत्री जयकुमार रावल यांनी व्यक्त केली आहे. धुळे जिल्हा नियोजन समितीची बैठक राज्याचे पणन व धुळे जिल्ह्याचे पालकमंत्री जयकुमार रावल यांच्या उपस्थित आयोजित करण्यात आली होती. यावेळी बैठकीत धुळे जिल्ह्यातील आमदारांनी राज्याच्या वित्त विभागाकडून धुळे जिल्ह्याला कमी निधी दिला जात असल्याची खंत व्यक्त केल्याचं मंत्री रावल यांनी सांगितलं. मागील वर्षी धुळे जिल्ह्याचा जिल्हा नियोजनचा बजेट हा 348 कोटी रुपयांचा होता. दरम्यान या वर्षी साडेतीनशे कोटी रुपयांचा बजेट मिळेल अशी अपेक्षा असताना धुळे जिल्ह्याला फक्त 292 कोटी रुपयांचा बजेट दिला गेला. धुळे जिल्ह्यात मोठ्या प्रमाणात विकासाचा अनुशेष बाकी असून जिल्ह्याला मोठ्या प्रमाणात निधीची आवश्यकता आहे. त्यामुळे राज्याच्या वित्त मंत्र्यांना धुळे जिल्ह्याला वाढीव विकास निधी देण्यासाठी आग्रह करणार असल्याचे मंत्री जयकुमार रावल यांनी यावेळी स्पष्ट केला आहे. दरम्यान गुरुजीला कृषी विद्यापीठ व्हावा ही अनेक दिवसांची मागणी असून कृषी विद्यापीठाचे विभाजन करून स्वतंत्र कृषी विद्यापीठ देण्यात यावं अशी मागणी देखील यावेळी मंत्री जयकुमार रावल यांनी केली आहे.