दोंडाईचा में भाजपा मंत्री जयकुमार रावल ने बिनविरोध नगराध्यक्ष पद जीता

महाराष्ट्रात दोंडाईचा मध्ये भाजपचा पहिल्या नगराध्यक्षा बिनविरोध निवडून आला आहे. मंत्री जयकुमार रावलांची जादू या मतदार संघात कायम असल्याचे या निकालाने स्पष्ट केले आहे. दोंडाईचात नगराध्यक्षासह नगरसेवकच्या ७ जागा बिनविरोध निवडून आणण्यात रावल यांना यश मिळाले आहे. मंत्री रावल यांच्या मातोश्री नयनकुंवर रावल यांची नगराध्यक्षापदी बिनविरोध निवड झाली आहे. राष्ट्रवादी काँग्रेस पक्ष शरद पवार गटाच्या शरयू भावासार यांनी उमेदवारी अर्ज दाखल केला होता. मात्र तांत्रिक कारणामुळे त्यांचा अर्ज बाद ठरविण्यात आला. त्यामुळे नगराध्यक्ष पदासाठी एकमेव नयनकुवर रावल यांचा उमेदवारी अर्ज वैध ठरण्याने त्या बिनविरोध निवडून आल्या आहेत. राज्यात नगरपालिका व नगरपंचायतीच्या निवडणुकाचा धुराळा सुरू असून त्यात राज्यात दोंडाईचा नगरपालिकाेत मंत्री जयकुमार रावल यांनी जादू करीत भाजपचा नगराध्यक्षपद बिनविरोध करीत खाते उघडले आहे, मंत्री रावल यांच्या मातोश्री नयनकुंवरताई रावल यांचा भाजपकडून नगराध्यक्ष पदासाठी तर नगरसेवक पदासाठी भाजपचे ७ जणांचा एका जागेसाठी एकच उमेदवारी अर्ज राहिल्याने भाजपचे नगराध्यक्षासह ७ नगरसेवक बिनविरोध निवड झाले आहेत. निवडणूक सुरू होण्याआधीच महाराष्ट्रात भाजपचे आपले नगराध्यक्ष बिनविरोध करून खाते उघडले आहे. यामुळे मंत्री जयकुमार रावल यांचा बालेकिल्ला अबाधित असल्याचे त्यांनी पुन्हा दाखवून दिले आहे. या निवडीनंतर मंत्री रावल यांच्या दोंडाईचा येथील रावल गढीवर फटाके फोडून, ढोल ताशे वाढवून जल्लोष करण्यात आला.