छह साल के बच्चे की खेत की कुएं में गिरकर मौत, डोंवड़ा गांव में दुखद घटना

एका सहावर्षीय मुलाचा शेतातील विहिरीत पडून दुर्दैवी मृत्यू झाला. ही हृदयद्रावक घटना छत्रपती संभाजीनगर तालुक्यातील डोणवडा शिवारात सोमवारी दुपारी सुमारे दोन वाजता घडली. संघर्ष गणेश वाघ असे मृत मुलाचे नाव आहे. पोलिसांनी दिलेल्या माहितीनुसार, डोणवाडा येथील शेतकरी गणेश वाघ यांचा मुलगा संघर्ष हा गट क्र. १०० मधील शेतात विहिरीजवळ खेळत होता, तर त्याची आई जवळच शेतात काम करीत होती. दरम्यान, खेळता-खेळता अचानक संघर्षचा तोल जाऊन तो विहिरीत पडला. पाण्यात पडल्याचा आवाज ऐकताच काही अंतरावर असलेल्या त्याच्या आईने मदतीसाठी मोठमोठ्याने आरडाओरड केली शेजारीच असलेल्या तरुणाने तत्काळ धाव घेत विहिरीत उडी घेतली. त्याने संघर्षला पाण्याबाहेर काढले, तेथून त्याला तत्काळ फुलंब्री ग्रामीण रुग्णालयात हलविण्यात आले. मात्र, डॉक्टरांनी तपासून त्याला मृत घोषित केले.