महापालिका की बैठक: प्रश्न केवल लिखित, केवल विषयसूची पर ही चर्चा

सर्वसाधारण सभेबाबत छत्रपती संभाजीनगर महानगरपालिकेने एक महत्त्वाचा निर्णय घेतला आहे. ऐनवेळचे विषय घेणार नाही आणि प्रश्न लेखीच द्यावे लागतील, अशा कडक सूचना महापौर समीर राजूरकर यांनी सर्वपक्षीय गटनेत्यांना दिल्या आहे. त्यामुळे कोणत्याही सदस्याला सभागृहात प्रश्न विचारायचा असल्यास तो सात दिवस आधी लेखी स्वरूपात द्यावा लागेल. दिलेल्या प्रश्नावर प्रशासन आधी लेखी उत्तर देईल. त्यानंतरच सभागृहात त्यावर उपप्रश्न विचारण्याची मुभा असेल. तसेच सभा सुरू असताना अचानक कोणतेही नवीन विषय चर्चेला घेतले जाणार नाहीत. केवळ विषयपत्रिकेवरील मुद्द्यांवरच गांभीर्याने चर्चा होईल, असा निर्णय घेण्यात आला आहे.