MIDC में लघु उद्योगों के गाळे आवंटन नीति अस्पष्ट, भूखंड और लागत पर असमर्थता

छत्रपती संभाजीनगर मध्ये अनेक वर्षांच्या मागणीनंतर लघु उद्योजकांना अमृत लघु उद्योग योजनेंतर्गत वाळूज आणि चिकलठाणा एमआयडीसीमध्ये गाळे बांधून देण्याचे काम प्रगतिपथावर आहे. हे गाळे वाटप कोणाला आणि कसे करावे, याविषयी एमआयडीसीने अद्याप कोणतेही धोरण निश्चित केले नाही. यामुळे जुन्या अर्जदारांना गाळे द्यायचे अथवा निविदा पद्धतीने गाळे वाटप करावे, याविषयी स्थानिक अधिकारी अनभिज्ञ आहेत. वाळूज एमआयडीसीमध्ये औद्योगिक भूखंड शिल्लक नाही. यामुळे मागणी करुन ही शेकडो लघु उद्योजकांना एमआयडीसी लहान आकाराचे भूखंड देऊ शकलेले नाही. या उद्योगांच्या मागणीनुसार शासनाने सन २०२२ मध्ये लघु उद्योगांसाठी वाळूज येथे ४९ तर चिकलठाणा एमआयडीसीमध्ये २२ गाळे बांधून देण्याचा निर्णय घेतला होता. २ हजार चौरस फूट क्षेत्रफळाच्या भूखंडावर एक हजार चौरस फुटात गाळ्यांचे बांधकाम सध्या सुरू आहे. भूखंडाची किंमत आणि त्यावरील बांधकामाचा खर्च विचारात घेऊन एमआयडीसीने प्रत्येक गाळ्याची किंमत ६५ ते ७० लाख रुपये निश्चित केली आहे...