गजानन महाराज मंदिर के पास हॉस्पिटल के सामने कार अंडरग्राउंड लैब में घुसी; बड़ा हादसा टला

ANC : छत्रपती संभाजीनगर शहरातील गजानन महाराज मंदिर चौकाजवळ सूतगिरणी चौक रस्त्यावर असलेल्या एक हॉस्पिससमोर एक धक्कादायक घटना समोर आली आहे. पेशंट घेऊन आलेल्या एका तरुणाने रस्त्यावर उभी असलेली डॉक्टरांची कार सुरू केली आणि ती थेट अंडरग्राउंडमध्ये असलेल्या पॅथॉलॉजी लॅबमध्ये घुसली. सुदैवाने या घटनेत कोणतीही जीवितहानी झाली नाही. प्रत्यक्षदर्शी आणि पोलिसांनी दिलेल्या माहितीनुसार, हॉस्पिटलचे डॉक्टर अमोल कुलकर्णी यांनी त्यांची कार हॉस्पिटलसमोर उभी केली होती. काही वेळानंतर सय्यद वसीम हे दुचाकीवर पेशंटला घेऊन हॉस्पिटलमध्ये आले. डॉक्टरांना दाखवून बाहेर आल्यानंतर त्यांची दुचाकी ही डॉक्टरांच्या कारच्या मागे अडकली होती. दुचाकी काढण्यासाठी त्यांनी कारची चावी घेत कार सुरू केली. कार बाजूला पार्क करण्याचा प्रयत्न करत असताना त्यांच्‍या वाहनावरील नियंत्रण सुटले आणि कार थेट अंडरग्राउंडमध्ये असलेल्या पॅथॉलॉजी लॅबमध्ये घुसली. त्या वेळी लॅबमध्ये कोणीही उपस्थित नसल्याने मोठी दुर्घटना टळली. घटनेनंतर परिसरात एकच खळबळ उडाली आणि माहिती मिळताच पोलिस देखील घटनास्थळी दाखल झाले. क्रेनच्या सहाय्याने कार बाहेर काढण्यात आली असून पुढील तपास सुरू आहे.