तुमसर नगर परिषद विजय जुलूस के दौरान तीन मामले: मारपीट, गाली-गलौच और धमकी

नगर परिषद विजयी मिरवणुकीतील अखेर तीन गुन्ह्यांची नोंद Anchor :- तुमसर नगरपरिषद निवडणुकीच्या विजयी मिरवणुकीदरम्यान झालेल्या वादाने तुमसर शहरात तणावपूर्ण वातावरण निर्माण झाले आहे. वेगवेगळ्या ठिकाणी घडलेल्या घटनांप्रकरणी पोलिस ठाणे तुमसर येथे तीन गुन्हे दाखल झाले आहेत. मारहाण, शिवीगाळ, धमकी आणि जखमी होण्याच्या घटनांनी शहरात तणाव निर्माण झाला होता. नेहरू नगर परिसरात एक महिला विजयी मिरवणूक पाहत असताना आरोपी पंकज बालपांडे याने त्यांच्या वहिनीच्या घरात प्रवेश करून बाल्कनीत येत मागून केस ओढून खाली पाडले. डावा हात मुरगळून मानेच्या डाव्या बाजूला मारहाण करत अश्लील शिवीगाळ व जीवे मारण्याची धमकी दिल्याचा आरोप आहे. वैद्यकीय तपासणी अहवालाच्या आधारे या प्रकरणी गुन्हा नोंद करण्यात आला. तर दुसरी घटना सफल उमेश शर्मा यांच्या फिर्यादीवरून मंगेश समरित व सौरभ चरडे यांच्याविरोधात गुन्हा दाखल करण्यात आला आहे. कोणतेही कारण नसताना या दोघांनी शिवीगाळ करत विटेच्या तुकड्याने डोक्यावर, कानाजवळ व ओठावर मारहाण करून जखमी केल्याचा आरोप आहे. तिसऱ्या घटनेत, नेहरू नगरमध्ये मिरवणुकी दरम्यान जोत्स्ना बालपांडे यांनी दिलेल्या तक्रारीवरुन गुन्हा दाखल करण्यात आला आहे...