हाईवे की गड्ढों से यातायात जोखिम, चुल्हाड में उपोषण; प्रशासन से ठोस कार्रवाई की मांग

भंडारा–तुमसर राष्ट्रीय महामार्गाची जीवघेणी अवस्था.....चुल्हाड येथे उपोषण सुरू....आंदोलन तीव्र करण्याचा इशारा.... भंडारा–तुमसर–बालाघाट राष्ट्रीय महामार्गावरील मोठ्या प्रमाणात पडलेल्या खड्ड्यांमुळे वाहतूक धोकादायक बनली असून तुमसर, सिहोरा व बपेरा परिसरातील रस्त्यांची अवस्था अत्यंत जीवघेणी झाली आहे. याबाबत वारंवार निवेदन देऊनही प्रशासनाकडून दुरुस्तीबाबत ठोस कारवाई होत नसल्याचा आरोप नागरिकांनी केला आहे. याच्या निषेधार्थ सर्वपक्षीय स्थानिक पदाधिकारी व नागरिकांच्या नेतृत्वाखाली आंदोलन छेडण्यात आले असून चुल्हाड येथे कालपासून उपोषणाला सुरुवात झाली आहे. अपघातांची मालिका सुरू असताना प्रशासनाने तातडीने उपाययोजना करून रस्त्यांची दुरुस्ती करावी व लेखी आश्वासन द्यावे, अशी मागणी उपोषणकर्त्यांनी केली आहे. अन्यथा आंदोलन आणखी तीव्र करण्याचा इशाराही देण्यात आला आहे.