भंडारा के जलशुद्धीकरण केंद्र से दूषित पानी, प्रशासन तात्कालिक कार्रवाई की मांग

भंडारा शहरात मागील १५ दिवसांपासून दूषित पाणी पुरवठा होत असल्याचा गंभीर प्रकार समोर आला आहे. शहरातील नागरिकांकडून वारंवार तक्रारी येत असल्याने दसरा मैदान येथील जलशुद्धीकरण केंद्राची पाहणी खासदार प्रशांत पडोळे यांनी पाहणी केली. या पाहणीदरम्यान पाणी साठवण टाक्यांमध्ये मोठ्या प्रमाणात घाण, माती, लोखंडाचे कण तसेच मृतावस्थेत पडलेले सरडे आढळून आल्याने नागरिकांच्या आरोग्याबाबत चिंता व्यक्त केली. याशिवाय केंद्रातील मशिनरीमधून पाणी गळती होत असून त्यामध्ये ऑईल व ग्रीस मिसळलेले असल्याचेही निदर्शनास आले. हेच दूषित पाणी शहरात पुरवठा होत असल्याची धक्कादायक बाब समोर आली आहे. या पार्श्वभूमीवर खासदार प्रशांत पडोळे यांनी जिल्हाधिकाऱ्यांना निवेदन देऊन जलशुद्धीकरण केंद्राची तात्काळ स्वच्छता, यंत्रणेची तांत्रिक तपासणी तसेच संबंधित कंत्राटदारावर कारवाई करण्याची मागणी केली आहे. अन्यथा रस्त्यावर उतरून तीव्र आंदोलन करण्याचा इशारा देखील प्रशासनाला दिला.