मराठवाड़ा के किसानों के खाते में अतिवृष्टि क्षतिपूर्ति जमा; आठ जिलों में करोड़ों रुपये

मराठवाड्यातील जून, जुलै आणि ऑगस्ट महिन्यात झालेल्या अतिवृष्टीची नुकसान भरपाई शेतकऱ्यांच्या खात्यावर जमा होण्यास सुरुवात झाली आहे. मराठवाड्यातील आठही जिल्ह्यात पहिल्याच दिवशी 316 कोटी रुपये शेतकऱ्यांच्या खात्यावर जमा केल्याची माहिती विभागीय आयुक्त जितेंद्र पापळकर यांनी दिली आहे. तर 974 कोटी रुपयांची नुकसान भरपाई जमा करण्यासाठी शेतकऱ्यांच्या याद्या अपलोड करण्यात आल्या असून, आज रात्री ही रक्कम देखील जमा होणार आहेत. तसेच ई-केवायसीची अट रद्द केल्यानंतर शेतकऱ्यांचे आधार कार्ड आणि फार्मर आयडी व्हेरिफिकेशन करून ही नुकसानभरपाईची रक्कम जमा केली जात आहे. सप्टेंबर महिन्यात झालं नुकसान 15 तारखेनंतर असल्याने पंचनामे अंतिम टप्प्यात असून, पुढील दोन ते तीन दिवसात पंचनामे पूर्ण होऊन त्याची देखील नुकसान भरपाई शेतकऱ्यांच्या खात्यावर जमा केली जाणार असल्याचं विभागीय आयुक्त म्हणाले.