मेळघाट के आदिवासियों को तीन माह से मजदूरी बकाया, होली पर संकट गहराया

तीन महिन्यांपासून राखडली मेळघाटातील आदिवासींची मजुरी; अमरावती जिल्ह्याची तब्बल 35 कोटी 7 लाखांची मजुरी थकीत, मेळघाटातील आदिवासींची होळी अंधारात जाण्याची शक्यता मेळघाटातील आदिवासींचा होळी हा प्रमुख सण मानल्या जातो मात्र अमरावती जिल्ह्यात होळीच्या तोंडावर 50 हजार मेळघाटातील आदिवासी मजूर संकटात सापडले आहे. दोन ते तीन महिन्यांपासून मजुरी न मिळाल्याने आदिवासी मजुरांमध्ये मोठ्या प्रमाणात संताप वाढला आहे. अमरावती जिल्ह्याची तब्बल 35 कोटी 7 लाखांची मजुरी थकीत असून मेळघाटातच 22 कोटी 28 लाख रुपये थकीत आहे. यामध्ये चिखलदरा व धारणी तालुक्यातील मजूर सर्वाधिक प्रभावित झाले आहेत. होळी सण जवळ आला आहे मात्र मजुरांच्या हातात पैसे नाही त्यामुळे प्रशासनाच्या उदासीनतेवर प्रश्नचिन्ह निर्माण होत आहे. दरम्यान रखडलेली मजुरी तात्काळ द्या अशी मागणी आदिवासी बांधव करत आहे. होळीच्या आधी आदिवासींना मजुरी मिळाली नाही तर नागपूरच्या आयुक्तालयात घुसून आंदोलन करण्याचा इशारा माजी राज्यमंत्री बच्चू कडू यांनी दिला आहे.