Meghlata faces severe water shortage as Motha village gets water by tankers; about 545 villages at risk this year

मेळघाटात भीषण पाणीटंचाई, मोथा गावात टँकरद्वारे पाणीपुरवठा; जिल्ह्यातील सुमारे 545 गावांमध्ये यंदा पाणीटंचाई जाणवण्याची शक्यता. मेळघाटातील मोथा या सुमारे 1 हजार 433 लोकसंख्या असलेल्या गावात मार्च महिन्याच्या दुसऱ्या आठवड्यातच पाणीटंचाई जाणवू लागली आहे. गावातील पाण्याची गरज भागवण्यासाठी अमरावती जिल्हा परिषद पाणीपुरवठा विभागाकडून सध्या 3 टँकरद्वारे पाणीपुरवठा केला जात आहे. दरम्यान, जिल्हा परिषद पाणीपुरवठा विभागाने तयार केलेल्या आराखड्यानुसार जिल्ह्यातील सुमारे 545 गावांमध्ये यंदा पाणीटंचाई जाणवण्याची शक्यता वर्तवण्यात आली आहे. त्यामुळे उन्हाळा वाढत असताना ग्रामीण भागात पाणीप्रश्न अधिक तीव्र होण्याची भीती व्यक्त केली जात आहे.