मेळघाट में 24 घंटे में चार बच्चों और एक मां की मौत, स्वास्थ्य सेवाओं पर सवाल

मेळघाटात बालमृत्यू का तांडव शुरूच; 24 तासात चार बालकांचा व एका मातेचा मृत्यू. धारणी उपजिल्हा रुग्णालयांतर्गत चार बालकांचा व एका मातेचा मृत्यू झाल्याने खळबळ उडाली आहे. शनिवारी धारणी येथील उपजिल्हा रुग्णालयात तीन बालकांचा मृत्यू तर रविवारी एका बालकाचा मृत्यू झाला आहे. नर्मदा नारायण चीलात्रे सालाईबर्डी या महिलेला शनिवारी दुपारी दोन वाजता प्रसूतीसाठी धारणी येथील उपजिल्हा रुग्णालयात दाखल करण्यात आले असता सिझरियन करताना या मातेचा व पोटातच बाळाचा मृत्यू झाला आहे. धुळघाट रेल्वे येथील कविता श्रीराम धांडे या महिलेच्या जुळ्या बाळांचा मृत्यू. कविता हिला धुळघाट वरून ॲम्बुलन्स मध्ये आणताना एका बाळाचा ॲम्बुलन्स मध्ये तर दुसऱ्या बाळाचा धारणी उपजिल्हा रुग्णालयाच्या गेटवर जन्म झाला. मात्र प्रसुती नॉर्मल झाल्यावर दोन्ही जुळे मुले हे धारणी येथील उपजिल्हा रुग्णालयात उपचारासाठी दाखल होते. धांडे यांच्या दोन्ही बालकांचा दोन तासाच्या फरकाने मृत्यू झाला. डॉक्टरांच्या हलगर्जीपणामुळे आपल्या दोन्ही मुलांचा मृत्यू झाल्याचा आरोप श्रीराम धांडे यांनी केला. बैरागढ येथील saba तनवीर मोहम्मद नदीम या महिलेला बाळाचा मृत्यू झाला आहे. मुंबई उच्च न्यायालयाच्या खंडपीठाने बालमृत्यू बाबत ताशेरे ओढले असले तरीही अजूनही आरोग्य यंत्रणा सुधारत नसल्याचा चित्र आहे. धारणीत वीस वर्षानंतर ही रुग्णालयात अपुऱ्या सोयी आणि सुविधा व डॉक्टरांसह इतर कर्मचाऱ्यांच्या 40 जागा रिक्त असल्याचे भयाण वास्तव आहे.