अमरावती महापालिका में भाजपा-शिवसेना और रवि राणा की युति पक्की, 35-42 सीटों का प्रस्ताव

अमरावती महापालिकेत भाजप शिवसेना आणि रवी राणांच्या युतीवर शिक्कामोर्तब; शिवसेनेने भाजपला 35 ते 42 जागांचा प्रस्ताव दिल्याची सूत्रांची माहिती अमरावती महानगरपालिका निवडणूकीच्या पार्श्वभूमीवर भाजप आणि शिवसेनेची जागावाटप संदर्भात महत्त्वाची बैठक संपली आहे. आम्ही जागावाटप संदर्भात चर्चा केली नाही तर प्रभाग निहाय चर्चा केल अशी माहिती शिवसेना नेते आनंदराव अडसुळ यांनी दिली आहे. अमरावती महानगरपालिकेत आम्हाला 50 जागा मिळाव्यात अस वाटते असे आनंदराव अडसूळ म्हणाले असून अमरावती महानगरपालिकेत शिवसेनेने भाजपला 35 ते 42 जागांचा प्रस्ताव दिल्याची सूत्रांची माहिती आहे. अमरावती मध्ये भाजप, शिंदेंची शिवसेना आणि आमदार रवी राणा यांच्या युवा स्वाभिमानची युती पक्की झाली असून आम्ही सकारात्मक पद्धतीने समोरून जात आहोत. कोणाला किती जागा मिळणार हे आज सांगू शकत नाही मात्र जागा निवडून येण्यावर आमचा भर राहील मग ती जागा कोणत्याही पक्षाची असो त्या ठिकाणी आमची चर्चा सुरू आहे. शिवसेनेने आम्हाला जागांचा प्रभाग निहाय प्रस्ताव दिला आहे. अशी माहिती भाजप नेते अमरावतीचे प्रभारी संजय कुटे यांनी दिली असून अमरावतीच्या एका हॉटेलमध्ये दोन्ही पक्षातील नेत्यांची बैठक संपली आहे. भाजपकडून प्रभारी संजय कुटे तर शिवसेना कडून माजी खासदार आनंदराव अडसुळ चर्चेसाठ उपस्थित होते. भाजप आणि शिवसेनेच्या चर्चेपूर्वी शिवसेनेची स्वतंत्र बैठक पार पडली आहे.