पुणे के कोरेगाव पार्क भूमि घोटाले में पार्थ पवार पर आरोप, FIR की मांग

पुण्यातील कोरेगाव पार्क येथील जमीन घोटाळ्यात पार्थ पवार यांचा सहभाग असल्याचा आरोप होत असताना, अद्याप त्यांच्यावर गुन्हा दाखल न झाल्यामुळे विरोधकांनी आक्रमक भूमिका घेतली आहे. या पार्श्वभूमीवर आज अकोल्यात काँग्रेसतर्फे आंदोलन करण्यात आलं. जिल्हाधिकारी कार्यालयासमोर झालेल्या या आंदोलनात काँग्रेसने पार्थ पवार यांच्यावर तात्काळ गुन्हे दाखल करावेत, तसेच या प्रकरणाच्या चौकशी समितीचा अहवाल येईपर्यंत उपमुख्यमंत्री अजित पवार यांनी उपमुख्यमंत्री पदासह पालकमंत्री पदाचा राजीनामा द्यावा, अशी मागणी केली. दरम्यान, राष्ट्रवादी काँग्रेसचे आमदार अमोल मिटकरी यांनी काँग्रेसच्या या आंदोलनावर टीका केली होती. मात्र काँग्रेसनेही मिटकरींच्या वक्तव्याला जोरदार प्रत्युत्तर दिलं.