प्रकाश आंबेडकर ने ओबीसी के लिए कड़ा प्रहार, मोदी सरकार को चेतावनी

धम्मचक्र प्रवर्तन दिनानिमित्त अकोल्यात आयोजित बौद्ध महासभेत वंचित बहुजन आघाडीचे नेते प्रकाश आंबेडकर यांनी राज्य आणि केंद्र सरकारवर जोरदार हल्लाबोल केला. यावेळी बोलताना त्यांनी ओबीसी समाजाचा उल्लेख करताना म्हटलं की, “ओबीसींना सर्वात मोठा विश्वास आरएसएस आणि भाजपवर आहे, मात्र सर्वात मोठा घातही ह्याच दोघांनी केला आहे. त्यामुळे ओबीसींना स्वतःची लढाई स्वतःच लढावी लागेल तर ओबीसींना वंचित शिवाय दुसरा कोणताही पर्याय नाही.” असे ते म्हणाले. मोहन भागवत यांच्यावर टीका करताना आंबेडकर म्हणाले,“ मोहन भागवत कधी शेगावच्या गजानन महाराजांच्या मंदिरात गेले आहेत का? आज मी बोललो म्हणून कदाचित पुढच्या आठवड्यात ते जातील.” या वेळे त्यांनी पंतप्रधान नरेंद्र मोदींवरही निशाणा साधला. पाकिस्तानमध्ये बाहेरील शस्त्रसाठा पोहोचत असल्याने भविष्यात पाकिस्तान भारताला गुलाम बनवू शकतो, असा इशारा देत त्यांनी “ही परिस्थिती टाळायची असेल तर नरेंद्र मोदींना बाय बाय करा.” असं आवाहन केलं. मोदी स्वतःचा अहंकार जपण्यासाठी देशाची आहुती देत असल्याचा आरोपही आंबेडकरांनी केला. तसेच, शेतकऱ्यांनी ठोस भूमिका घेणे ही काळाची गरज असल्याचे मत त्यांनी व्यक्त केले.