भारत-पाक टी20 मैच पर उग्र विरोध, हिंदुत्व संगठन प्रशासन के समक्ष प्रदर्शन कर रहे

सीमेवर भारतीय जवानांचे रक्त सांडत असताना आणि पाकिस्तान पुरस्कृत आतंकवाद सुरू असताना त्यांच्या देशासोबत क्रिकेट खेळणे हा देशप्रेमी जनतेचा अपमान असल्याची ठाम भूमिका घेत अकोल्यात हिंदुत्वनिष्ठ संघटनांकडून तीव्र निदर्शने करण्यात आली. हिंदु जनजागृती समिती आणि हिंदु राष्ट्र समन्वय समिती यांच्या वतीने जिल्हाधिकारी कार्यालयासमोर आंदोलन करण्यात आले. १५ फेब्रुवारी रोजी होणाऱ्या ICC Men's T20 World Cup मध्ये भारत-पाक सामन्यावर बंदी घालावी, अशी मागणी करत प्रशासनाला निवेदन देण्यात आले आहे. या वेळी कार्यकर्त्यांनी पाकिस्तानविरोधी घोषणाबाजी केली. “रक्ताचे डाग क्रिकेटच्या जर्सीने लपवता येत नाहीत,” असे म्हणत, केवळ हस्तांदोलन टाळणे हा निषेधाचा पुरेसा मार्ग नसून जोपर्यंत आतंकवाद पूर्णपणे थांबत नाही, तोपर्यंत कोणतेही क्रीडा किंवा राजनैतिक संबंध ठेवू नयेत, अशी भूमिका संघटनांनी मांडली. ‘रक्त आणि खेळ एकत्र नको’ अशी भावना व्यक्त करत, जसे ‘सिंधू जल करार’च्या वेळी “पाणी आणि रक्त एकत्र वाहू शकत नाही” अशी भूमिका भारताने घेतली होती, त्याच धर्तीवर क्रिकेटबाबतही कठोर निर्णय घ्यावा, अशी मागणी आंदोलकांनी केली.