मुरतिजापुर नगरपालिका चुनाव: बीजेपी ने कायम की सत्ता, हर्षल साबळे विजयी

अकोला जिल्ह्यातील मूर्तिजापूर नगरपरिषद निवडणुकीत भारतीय जनता पक्षाने आपला बालेकिल्ला कायम राखत निर्णायक विजय मिळवला आहे. भाजपचे उमेदवार हर्षल साबळे हे ७१८ मतांच्या फरकाने विजयी झाले आहेत. या निवडणुकीत भाजप आमदार हरीश पिंपळे यांची प्रतिष्ठा पणाला लागली होती. भाजपने नगराध्यक्ष पदाचा उमेदवार निवडून आणत केवळ सत्ता कायम ठेवली नाही, तर आमदार हरीश पिंपळे यांचे बंधू भूपेंद्र पिंपळे यांचाही विजय झाल्याने, “भाजपने गडही आणला आणि सिंहही” अशी चर्चा राजकीय वर्तुळात रंगली आहे.ही निवडणुकीत अत्यंत चुरशीची ठरली. मतमोजणीच्या अकराव्या फेरीपर्यंत वंचित बहुजन आघाडीचे उमेदवार शेख इम्रान शेख खलील आघाडीवर होते. मात्र बारावी फेरी निर्णायक ठरली. या फेरीत भाजपचे हर्षल साबळे यांनी आघाडी घेत निर्णायक विजय साकारला.या निकालामुळे मूर्तिजापूरमध्ये भाजपची पकड अधिक मजबूत झाल्याचे स्पष्ट झाले असून, आगामी स्थानिक राजकारणावर याचा मोठा प्रभाव पडण्याची शक्यता आहे.