वित्तीय मदद नहीं मिली तो शिवभोजन केंद्र दिवाली से पहले बंद होने का खतरा

गरीब आणि गरजूंना परवडणाऱ्या दरात जेवण उपलब्ध करून देणारी राज्य सरकारची ‘शिवभोजन थाळी योजना’ निधीअभावी अडचणीत सापडली आहे. अकोला जिल्ह्यात ऑक्टोबर 2024 पासून केंद्रचालकांना शासनाकडून कोणतेही अनुदान प्राप्त झालेले नाही. तब्बल साडेसात कोटी रुपयांचे थकित अनुदान प्रलंबित असल्याची माहिती मिळाली आहे. अनुदान न मिळाल्याने जिल्ह्यातील सर्वच शिवभोजन केंद्रचालक आर्थिक तणावाखाली आले आहेत. अनेकांना उसनवारी करून थाळी योजना सुरू ठेवावी लागत आहे. आधीच थाळीसाठी मिळणारे अनुदान तुटपुंजे असल्याची तक्रार केंद्रचालकांकडून होती, त्यात आता निधी महिनोन्महिने विलंबाने मिळत असल्याने असंतोष वाढला आहे. केंद्रचालकांचा इशारा आहे की, जर शासनाने दिवाळीपूर्वी निधी उपलब्ध करून दिला नाही, तर अनेक केंद्रे बंद पडण्याच्या उंबरठ्यावर येतील. राज्य शासनाने तात्काळ निधी उपलब्ध करून द्यावा अशी मागणी केंद्र संचालकांनी केली आहे.