अकोला के बोरगाव मार्ग पर भयावह हादसा: एक ही परिवार के दो की मौत, चार जख्मी

अकोला जिल्ह्यातील बोरगाव मंजू ते मूर्तिजापूर रोडवर आज सकाळी भीषण अपघात घडला. या अपघातात एकाच कुटुंबातील दोघांचा जागीच मृत्यू झाला असून चार जण गंभीर जखमी झाले आहेत. मिळालेल्या प्राथमिक माहितीनुसार, हे कुटुंब नाशिकहून परतवाडा येथे जात असतान बोरगाव मंजू जवळ वाहनाचा ताबा सुटल्याने हा अपघात झाला.अपघात इतका भीषण होता की चारचाकी वाहनाचे मोठ्या प्रमाणात नुकसान झाले आहे. या दुर्घटनेत दोन जणांचा घटनास्थळीच मृत्यू झाला, तर चार जण गंभीर जखमी झाले आहेत. तसेच वाहनाच्या धडकेत तीन जनावरांचाही मृत्यू झाला आहे.अपघाताची माहिती मिळताच 108 रुग्णवाहिकेच्या मदतीने जखमी व मृतांना तातडीने अकोला येथील शासकीय रुग्णालयात दाखल करण्यात आले. जखमींवर सध्या उपचार सुरू असून त्यांची प्रकृती चिंताजनक असल्याची माहिती आहे.दरम्यान, घटनेची माहिती मिळताच पोलिसांनी घटनास्थळी धाव घेतली असून पुढील तपास सुरू आहे. या भीषण अपघातामुळे परिसरात हळहळ व्यक्त केली जात आहे.