बांग्लादेश में हिंदू अल्पसंख्यकों पर हिंसा: महाराष्ट्र में विरोध, सुरक्षा कदम की मांग

मागील काही दिवसांपासून बांगलादेशात हिंदू नागरिकांवरील अत्याचाराच्या घटनांमध्ये वाढ झाल्याचे चित्र आहे. अलीकडेच दिपुचंद्र दास या हिंदू युवकाची काही कट्टरतावादी व्यक्तींनी निर्घृण हत्या केल्याची घटना समोर आली आहे. या घटनेमुळे हिंदू समाजात तीव्र संताप व्यक्त केला जात आहे. या घटनेच्या निषेधार्थ शिवसेना (शिंदे गट) कडून आज अकोल्यातील गांधी चौकात निषेध आंदोलन करण्यात आले, बांगलादेशचा ध्वज जाळण्यात आला. आंदोलनादरम्यान शिवसेना कार्यकर्त्यांनी बांगलादेश सरकारविरोधात घोषणाबाजी करत आपला रोष व्यक्त केला. तसेच, बांगलादेशातील हिंदू अल्पसंख्याकांच्या सुरक्षेसाठी ठोस उपाययोजना करण्यात याव्यात, अशी मागणी करण्यात आली. भारत व बांगलादेश सरकारने तेथील हिंदू अल्पसंख्याकांच्या संरक्षणासाठी तात्काळ प्रभावी पावले उचलावीत, अन्यथा भविष्यात आणखी तीव्र आंदोलन करण्यात येईल, अशी इशाराही आंदोलनकर्त्यांकडून देण्यात आला आहे.