जालना महापालिका में भाजपा-शिवसेना की महायुति के फैसले पर अंतिम बैठक में सस्पेंस

जालना : महायुतीकडून बैठकीतील निर्णयांची कमालीची गुप्तता, बंडखोरी टाळण्यासाठी नेत्यांकडून गुप्तता जालना महापालिका निवडणुकीची रणधुमाळी चांगलीच सुरू झाली आहे. महायुती होण्यासाठी बैठकांवर बैठका सुरू आहेत. महायुती होते की नाही, झाली तर कुणाला किती जागा मिळतात, महापौर कुणाकडे असणार आहे याकडे लक्ष लागून आहे. महायुती झाल्यास अनेक कार्यकर्ते महाविकास आघाडी, त्यांच्या घटकपक्षांमध्ये प्रवेश करून उमेदवारी मिळवण्याचेही नियोजन आहे. परंतु, कार्यकर्त्यांची बंडखोरी टाळण्यासाठी भाजप-शिवसेनेकडून युतीबाबतच्या निर्णयाबाबत कमालीची गुप्तता बाळगली जात आहे. युतीबाबत काहीच स्पष्टता नसल्याने कार्यकत्यांची मात्र गणिते बिघडू लगली आहेत. जालना महापालिका निवडणुकीत युती होण्यासाठी मागिल काही दिवसांपासून भाजप-शिवसेनाच्या नेत्यांच्या बैठकांवर बैठका सुरू आहेत. गुरुवारपासून बैठकांचे सत्र वाढले आहे. दरम्यान, शनिवारी अंतिम बैठक होऊन युती करण्यासह कुणाला किती जागा द्यायच्या याबाबत बैठक आयोजित करण्यात आली. परंतु, भाजप, शिवसेना, राष्ट्रवादीकडूनही चांगल्या जागा मिळाव्या या अटीवर नेते जोर धरून आहेत. यामुळे मागिल काही दिवसांपासून महायुती केवळ कागदोपत्रीच राहत आहे. दरम्यान, शनिवारी मंठा रोडवरील एका हॉटेलमध्ये भाजप-शिवसेना-राष्ट्रवादीच्या नेत्यांची बैठक रात्री उशिरापर्यंत सुरू होती. ही बैठक पाच तास सुरू होती.