हिदायत पटेल हत्या केस: नागपुर हाईकोर्ट ने दोनों आरोपीयों की अग्रिम जमानत खारिज की

काँग्रेस नेते हिदायत पटेल हत्याप्रकरणी आरोपींचा जामीन फेटाळला. अकोला जिल्ह्यातील अकोट तालुक्यातील मोहाळा गावात घडलेल्या अत्यंत गाजलेल्या काँग्रेस नेते हिदायत पटेल हत्याप्रकरणात आरोपींना मोठा धक्का बसला आहे. मुंबई उच्च न्यायालय नागपूर खंडपीठ यांनी या प्रकरणातील दोन्ही आरोपींचे अटकपूर्व जामीन अर्ज फेटाळून लावले आहेत. मिळालेल्या माहितीनुसार, राष्ट्रवादी काँग्रेस अजित पवार पक्षाचे जिल्हाध्यक्ष मोहम्मद बदरुद्दीन मोहम्मद आदिल आणि काँग्रेसचे अकोट नगरपालिकेचे माजी नगराध्यक्ष संजय बोडखे या दोघांविरोधात गुन्हा दाखल करण्यात आला आहे. या दोघांनी अटक टाळण्यासाठी अटकपूर्व जामिनासाठी अर्ज दाखल केला होता. मात्र न्यायालयाने हा अर्ज नामंजूर केला आहे.ही घटना ६ जानेवारी २०२६ रोजी घडली होती आणि त्यापासून हे दोन्ही आरोपी करार आहेत.हिदायत पटेल नमाज अदा करून गावातील मशिदीत बसले होते. त्याच वेळी आरोपीने अचानक त्यांच्यावर चाकूने हल्ला केला होता, त्यानंतर पोलिसांनी त्याला अटक केली होती.या हल्ल्यात गंभीर जखमी झालेल्या हिदायत पटेल यांना तातडीने रुग्णालयात दाखल करण्यात आले होते, मात्र उपचारादरम्यान त्यांचा मृत्यू झाला होता. तापासादरम्यान पोलिसांना मिळालेल्या पुराव्यांनुसार, मृत्यूपूर्वी दिलेल्या जबाबातही आरोपींच्या सहभागाचा उल्लेख करण्यात आला होता. तसेच साक्षीदारांच्या जबाबांमधूनही आरोपींचा सहभाग स्पष्ट होत असल्याचे न्यायालयाने नमूद केले आहे. प्रकरणाचे गांभीर्य लक्षात घेता आरोपींची कोठडीत चौकशी करणे आवश्यक असल्याचे न्यायालयाने स्पष्ट केले आहे, त्यामुळे या दोन्ही आरोपींचे अटकपूर्व जामीन अर्ज फेटाळण्यात आले आहे.