चुनाव तिथि घोषित न होने पर ग्राम पंचायतों में प्रशासक नियुक्ति, सरपंच नाराज़

Anchor : राज्यातील बहुतांश ग्रामपंचायतींची मुदत संपली असून उर्वरित ग्रामपंचायतींची मुदत २८ फेब्रुवारीला संपत आहे. मात्र अद्याप निवडणूक कार्यक्रम जाहीर न झाल्याने राज्य सरकारने २२ फेब्रुवारी रोजी अध्यादेश काढत मुदत संपलेल्या ग्रामपंचायतींवर प्रशासक म्हणून विद्यमान सदस्यांची नियुक्ती करण्याचा निर्णय घेतला होता. या निर्णयाची अंमलबजावणी करत सांगली, सातारा आणि भंडारा जिल्ह्यांमध्ये विद्यमान सदस्यांना प्रशासक म्हणून नेमण्यात आले आहे. दरम्यान, निवडणुका वेळेत घ्याव्यात आणि तोपर्यंत विद्यमान सदस्यांनाच प्रशासक म्हणून नियुक्त करावे, अशी याचिका अकोला जिल्ह्यातील २२ सरपंचांनी न्यायालयात दाखल केली होती. या याचिकेवर २४ तारखेला न्यायालयाने सदस्यांच्या बाजूने निर्णय देत सरकारच्या अध्यादेशाला दुजोरा दिला.मात्र, न्यायालय आणि राज्य सरकारची मंजुरी असूनही अकोला जिल्ह्यात अद्याप विद्यमान सदस्यांची प्रशासक म्हणून नियुक्ती करण्यात आलेली नाही. यामुळे संबंधित सरपंचांनी नाराजी व्यक्त केली आहे.अकोला जिल्हा परिषद मुख्याधिकारी हे राज्य सरकार आणि न्यायालयाच्या आदेशाचा अवमान करत असल्याचा आरोपही सरपंचांकडून करण्यात आला आहे. गावाच्या विकासकामांना खीळ बसू नये यासाठी मुदत संपलेल्या ग्रामपंचायतींवर तात्काळ विद्यमान सदस्यांनाच प्रशासक म्हणून नेमावे, अशी मागणी सरपंचांनी केली आहे.