कोल्हापूर शहरातील जवळपास 2500 हजारहून अधिक पथदिवे बंद आहेत तर हजारो पथदिव्यांचा प्रकाश पुरेसा नसल्याने शहरातील अनेक भागात अंधाराचे साम्राज्य आहे. कोल्हापूर शहरात ईईएसएल (EESL) कंपनीमार्फत पथदिव्यांचे मेन्टेनन्स चे काम केले जाते. पण कोल्हापूर महानगरपालिकेने अनेक वेळेला या कंपनीला सूचना, नोटीस, कोट्यावधी रुपयांचा दंड आकारून देखील कंपनी देखभाल दुरुस्तीचे काम करत नाहीये. परिणामी शहरातील अनेक भाग अंधारमय झालाय. त्यामुळे अनेक प्रभागात याचाच फायदा घेऊन शहरात अनेक गुन्हे घडत आहेत. परिणामी शहरातील नागरिकांची सुरक्षा देखील रामभरोसे असल्याचे चित्र आहे.