अक्षय नागलकर लापता: परिवार-खबरदार प्रशासन से तेज़ खोज की मांग

एक प्रेमळ मुलगा, समाजसेवेच्या कामात सतत पुढे असलेला तरुण, आणि आज तोच तीन दिवसांपासून बेपत्ता आहे. अकोल्यातील डाबकी रोड पोलीस स्टेशन हद्दीतून अक्षय गायब झाल्याची घटना घडली असून, त्याच्या कुटुंबीयांचा विश्वास अजूनही जिवंत आहे की तो नक्की परत येईल. मात्र तक्रार दाखल होऊन तीन दिवस उलटले तरीही पोलिसांना अक्षयचा काहीच मागोवा लागलेला नाही. अक्षयचे नातेवाईक आणि मित्रमंडळी दररोज डाबकी रोड पोलीस स्टेशनमध्ये येऊन ठाण मांडून बसतात. प्रत्येक वेळेस फक्त “तपास सुरू आहे” एवढंच उत्तर मिळत असल्याने त्यांच्या मनात नाराजी आणि अस्वस्थता वाढू लागली आहे. आता या प्रकरणात स्थानिक भाजप पदाधिकारीही पुढे आले असून थेट राज्याचे उपमुख्यमंत्री तथा गृह मंत्री देवेंद्र फडणवीस यांच्याकडे न्याय मागितला आहे. अक्षय जिवंत आहे की त्याच्यावर काही अनर्थ ओढवला आहे याचा तरी उलगडा लवकर करावा, अशी आर्त मागणी अक्षयच्या वडिलांकडून केली जात आहे. विनायक नागलकर, अक्षयचे वडील. 22 ऑक्टोबरच्या संध्याकाळी पाचच्या सुमारास अक्षयने आईला “स्वयंपाक करून ठेव” एवढंच सांगितलं आणि घरातून बाहेर पडला. पण त्यानंतर तो कधीच परतला नाही. संपूर्ण कुटुंब दररोज त्याच दाराकडे पाहत बसलंय, कधी तरी तो येईल या आशेने. अक्षय एका कार्यक्रमाला गेला होता आणि नंतर एका मित्रासोबत बाहेर पडल्याचं पोलिस तपासात पुढे आलं आहे. अक्षय ज्या मित्राला सर्वात शेवटी भेटला त्या मित्राची पोलिस चौकशी सुरू आहे. समाजसेवा आणि गोरक्षणाच्या कार्यात नेहमी अग्रस्थानी असलेला अक्षय अचानक गायब झाल्यानं शहरातही चिंता व्यक्त केली जात आहे. या प्रकरणाचा सखोल तपास होऊन गुन्हेगारांना त्वरित अटक व्हावी, अशी मागणीही करण्यात आली आहे. तर पोलिसांनी अक्षयचा शोध लावण्यासाठी चार पथक तयार केले असून शोध सुरू आहे. Final Vo: अक्षयचा शोध लवकर लागावा, हीच आता सर्वांची एकच अपेक्षा आहे.आईच्या डोळ्यांत अजूनही तो दारातून आत येईल, या आशेचा प्रकाश आहे... तर वडिलांच्या आवाजात एकच विनंती — “फक्त मला सांग, माझा मुलगा जिवंत आहे का ?”पोलिसांच्या तपासात विलंब होत असल्याने नातेवाईक आणि मित्रमंडळींच्या मनात आता संताप वाढत चाललाय.तक्रार दाखल होऊन तीन दिवस झाले..पण प्रश्न अजून तोच आहे, अक्षय कुठे आहे...?