अकोला में गणगौर उत्सव: महिलाओं ने परंपरा के साथ शोभायात्रा और विसर्जन किया

गणगौर उत्सव हा हिंदू धर्मातील पारंपरिक आणि विशेषतः महिलांचा उत्सव मानला जातो. हा उत्सव माता गौरी (पार्वती) आणि भगवान शिव यांना समर्पित आहे. विवाहित महिला पतीच्या दीर्घायुष्यासाठी तर अविवाहित मुली चांगला जीवनसाथी मिळावा यासाठी गणगौरची पूजा करतात. या उत्सवात गौरी-शंकराच्या प्रतिमांची स्थापना करून पारंपरिक गाणी, भजने आणि पूजा केली जाते तसेच शेवटच्या दिवशी शोभायात्रा काढून विसर्जन केले जाते.अकोला शहरात पारंपरिक श्रद्धा आणि उत्साहाच्या वातावरणात गणगौर उत्सव मोठ्या जल्लोषात साजरा करण्यात आला. महिलांनी आणि तरुणींनी मोठ्या संख्येने सहभागी होत माता गौरी आणि भगवान शिव यांची भक्तिभावाने पूजा केली.शहरातील विविध भागांमध्ये आकर्षक सजावटीसह गणगौर मातांच्या प्रतिमांची स्थापना करण्यात आली होती. पारंपरिक वेशभूषेत सजलेल्या महिलांनी गाणी-भजने गात पूजा केली तसेच सुख-समृद्धी आणि सौभाग्याची प्रार्थना केली. संपूर्ण वातावरण भक्तिमय झाले होते. उत्सवाच्या समारोपाच्या दिवशी शोभायात्रा काढण्यात आली.अकोला शहरातील बजाज कुटुंबीय यांनी आपली 90 वर्षाची परंपरा यंदाही जोपासली, बजाज कुटुंबीय गेल्या 90 वर्षांपासून या शोभा यात्रेच आयोजन करत आहे.या शोभायात्रेत महिलांनी, युवतींनी आणि नागरिकांनी उत्साहाने सहभाग घेतला. ढोल-ताशांच्या गजरात आणि पारंपरिक नृत्य करत गणगौर मातांच्या प्रतिमांचे शहरातील खोलेश्वर येथील विसर्जन कुंडात विसर्जन करण्यात आले.गणगौर उत्सवानिमित्त अकोला शहरात विशेष उत्साहाचे वातावरण पाहायला मिळाले.